ՄԱՐԿՈՍ 11

Յիսուսի յաղթական մուտքը Երուսաղէմ
(Մտ 21.1-11, Ղկ 19.28-40, Յհ 12.12-19)

¹Երբ մօտեցան Երուսաղէմի, Բեթփագէիեւ Բեթանիայի, Ձիթենեաց լերան մօտիկը, Յիսուս իր աշակերտներէն երկու հոգի ղրկեց, ²անոնց պատուիրելով.
– Գացէք սա դիմացի գիւղը. հազիւ մտած՝ հոն կապուած աւանակ մը պիտի գտնէք, որուն վրայ ոչ ոք նստած է տակաւին։ Քակեցէ՛ք զայն եւ բերէ՛ք։ ³Եթէ ոեւէ մէկը հարցնէ՝ «Ինչո՞ւ կը քակէք աւանակը», իրենըսէք՝ «Տէրը անոր պէտք ունի», եւ անիկա անմիջապէս հոս պիտի ղրկէ զայն։
⁴Երկու աշակերտները գացին եւ դուրսը փողոցին մէջ գտան աւանակը, տան մը դրան կապուած, ու քակեցին զայն։ ⁵Հոն կեցողներէն ոմանք ըսին.
– Այդ ի՞նչ կ՚ընէք, ինչո՞ւ կը քակէք աւանակը։
⁶Աշակերտները պատասխանեցին այնպէս՝ ինչպէս պատուիրած էր Յիսուս. ուստի թոյլ տուին իրենց։ ⁷Աշակերտները բերին զայն Յիսուսի եւ իրենց վերարկուները աւանակին վրայ դրին։ Ապա Յիսուս նստաւ անոր վրայ։ ⁸Շատեր իրենց վերարկուները կը փռէին ճամբուն վրայ, իսկ ուրիշներ ծառերէն ոստեր կը կտրէին եւ կը տարածէին ճամբուն վրայ։ ⁹Անոնք որոնք Յիսուսի առջեւէն կ՚երթային կամ կը հետեւէին իրեն, կ՚աղաղակէին.–
«Ովսաննա՜ Բարձրեալին,
օրհնեա՜լ ըլլաս դուն որ կու գաս Տիրոջ անունով.
¹⁰օրհնեա՜լ ըլլայ քու թագաւորութիւնդ,
մեր հօր Դաւիթի թագաւորութիւնը, որ կու գայ,
խաղաղութի՜ւներկինքիմէջեւ
փա՜ռք Բարձրեալին»։
¹¹Յիսուս Երուսաղէմ մտաւ եւ տաճար գնաց, ուր իր շուրջըամէն ինչ աչքէ անցուց։ Եւ որովհետեւ արդէն երեկոյ եղած էր, տասներկու աշակերտներուն հետ Բեթանիա գնաց։

Յիսուս կ՚անիծէ թզենին
(Մտ 21.18-19)

¹²Յաջորդ օր, երբ Բեթանիայէն կ՚ելլէին, Յիսուս անօթեցաւ։ ¹³Հեռուն տերեւներով լեցուն թզենի մը տեսնելով՝ գնաց դէպի ծառը, յուսալով որ վրան թուզ պիտի գտնէ։ Բայց երբ մօտեցաւ, տերեւէ զատ ոչինչ գտաւ, որովհետեւ թուզի ժամանակը չէր։ ¹⁴Յիսուս թզենիին ըսաւ. – Այլեւս մա՛րդ քեզմէ պտուղ թող չուտէ բնաւ։ Եւ ասիկա աշակերտները լսեցին։

Յիսուս տաճարը կը մաքրագործէ
(Մտ 21.12-17, Ղկ 19.45-48, Յհ 2.13-17)

¹⁵Երուսաղէմեկան։ Յիսուստաճար մտաւեւսկսաւ դուրս հանել անոնք որոնք տաճարին մէջ առուծախ կ՚ընէին։ Լումայափոխներուն սեղանները եւ աղաւնեվաճառներուն աթոռները շրջեց ¹⁶եւ թոյլ չտուաւ որ ոեւէ մէկը ոեւէ բան անցընէ տաճարին շրջափակին մէջէն։ ¹⁷Ապա ժողովուրդին սկսաւ ուսուցանել, ըսելով.
– Սուրբ գիրքերուն մէջ գրուած է, թէ «Իմ տունս բոլոր ժողովուրդներուն համար աղօթքի տուն պիտի կոչուի», մինչ դուք զայն աւազակներու որջի վերածած էք։
¹⁸Աւագ քահանաները եւ Օրէնքի ուսուցիչները լսեցին ասիկա եւ սկսան միջոց մը փնտռել, թէ ի՛նչպէս սպաննեն զայն։ Անոնք Յիսուսէն կը վախնային, որովհետեւ ամբողջ ժողովուրդը կը հիանար անոր ուսուցումներուն վրայ։
¹⁹Երբ երեկոյ եղաւ, Յիսուս եւ իր աշակերտները ձգեցին քաղաքը։

Չորցած թզենիին դասը
(Մտ 21.20-22)

²⁰Առաւօտ կանուխ, երբնոյն ճամբայէն կ՚անցնէին, տեսան թզենին, որ արմատէն չորցած էր։ ²¹Պետրոս յիշեց պատահածը եւ ըսաւ.
– Վարդապե՛տ, ահաւասիկ թզենին որ անիծեցիր՝ չորցեր է։
²²Յիսուս ըսաւ անոնց.
– Աստուծոյ վրայ հաւատք ունեցէք։ ²³Վստա՛հ եղէք, ով որ այս լերան ըսէ. «Ե՛լ եւ ծով ինկիր», եւ եթէ մտքին մէջ չտարակուսի, այլ հաւատայ թէ իր ըսածը պիտի ըլլայ, ի՛նչ որ ըսէ՝ պիտի կատարուի։ ²⁴Այս պատճառով կ՚ըսեմ ձեզի, թէ ի՛նչ որ աղօթքով խնդրէք, հաւատացէք որ պիտի ստանաք եւ ձեր խնդրածը պիտի տրուի ձեզի։ ²⁵Եւ երբ կ՚աղօթէք, ներեցէ՛ք եթէ բան մը ունիք ուրիշին դէմ, որպէսզի ձեր երկնաւոր Հայրն ալ ձեզի ներէ ձեր յանցանքները։ ²⁶Որովհետեւ եթէ դուք ուրիշին չներէք, ձեր երկնաւոր Հայրն ալ ձեր յանցանքները պիտի չներէ ձեզի։

Յիսուսի իշխանութեան հարցը
(Մտ 21.23-27, Ղկ 20.1-8, Յհ 2.18-22)

²⁷Յիսուս եւ իր աշակերտները դարձեալ Երուսաղէմ եկան։ Մինչ Յիսուս տաճարին մէջ կը պտըտէր, իրեն մօտեցան աւագ քահանաները, Օրէնքի ուսուցիչներն ու երէցները ²⁸եւ հարցուցին.
– Ի՞նչ իշխանութեամբ կը կատարես այս բաները։ Ո՞վ քեզի այդ իշխանութիւնը տուաւ։
²⁹Յիսուս պատասխանեց անոնց.
– Լա՛ւ, ձեզի պիտի ըսեմ թէ ի՛նչ իշխանութեամբ կ՚ընեմ ասոնք, եթէ դուք ալ իմ հարցումիս պատասխանէք։ ³⁰Յովհաննէսի մկրտելու իշխանութիւնը Աստուծմէ՞ տրուած էր իրեն թէ մարդոցմէ։ Պատասխանեցէ՛ք տեսնեմ։
³¹Անոնք սկսան իրարու միջեւ խորհիլ եւ ըսել.
– Եթէ ըսենք՝ «Աստուծմէ տրուած էր», մեզի պիտի ըսէ՝ թէ ինչո՛ւ չհաւատացիք իրեն. ³²իսկ «Մարդոցմէ էր» չենք կրնար ըսել՝ ժողովուրդէն վախնալով, որովհետեւ ամէն մարդ գիտէ թէ Յովհաննէս ճշմարտապէս մարգարէ է։
³³Ուստի պատասխանեցին Յիսուսի.
– Չենք գիտեր։
Յիսուս ալ իրենց հարցումին պատասխանելով ըսաւ.
– Այն ատեն՝ ես ալ ձեզի չեմ ըսեր թէ ի՛նչ իշխանութեամբ կ՚ընեմ այս բաները։